Азиада: Оқ атудан Никита Чирюкин үшінші орынға ие болды

Татами шеберлерінен бөлек, сұрмергеніміз де аянып қалмады. Елге қола сыйлап, жанкүйерлерді қуантты. Оқ атудан Никита Чирюкин 25 метрге жылдам атылатын тапаншамен сайыстың финалында үздік атанды. Жарыс қортындысы бойынша отандасымыз 26 ұпай жинап, үшінші орынға ие болды. Алтын мен күміс Азия ойындарының ұйымдастырушысы – Қытай спортшыларына бұйырды. Мергендер әлі де медаль жеңіп алуы бек мүмкін. Өйткені, қазақстандық спортшылар оқ ату турнирінде 1 қазанға дейін сынға түседі.