Димаштың фанаттары Қазақстан құрамасына жанкүйер болды

Бұл – Димаш Құдайбергеннің Қытайдағы фанаттары. Олар Азиадада бақ сынап жатқан Қазақстан құрамасына жанкүйер болып жатыр. Жастар жағы ғана емес, Димаштың өнерін бағалайтын үлкендер де бар, мұнда. Сондай-ақ біздің құрамаға Қытайда оқып жатқан студенттер, қандастар да қолдау білдіруде.

Дэн Юэ, Ханчжоу тұрғыны:

Қазақстандық дзюдошылардың белдесулерін көрдім. Жақсы өнер көрсетті. Қазақстанда да ірі халықаралық ісшаралар өтетінін білемін. 2017 жылы сіздерде ЭКСПО көрмесі өткенінен хабардармын.

Лю Пэнчжань, жанкүйер:

Иә, мен Димашты білемін, концертте көрдім, өте керемет. Қазақстанның спортшылары мен жанкүйерлеріне алыстан келіп, Азиадаға қатысқандары үшін алғыс білдіреміз. Бұл өз еліне және спортқа деген сүйіспеншіліктің дәлелі.