5 бала Қазақстанның 20 миллионыншы тұрғыны атанды

20 млн-шы тұрғын болып аталған 5 сәбиге 2 млн теңгеден беріледі. Қаражатты «Отбасы банкі» бөледі. Ата-аналар қаржылай сертификатты алу үшін жергілікті банк филиалдарына барып, жеке куәлігі мен баланың туу туралы куәлігін көрсетуі керек. Мерейлі 5 сәби Ұлытау , Жетісу, Атырау, Ақмола және Түркістан облыстарында туған. Үшеуі - ұл, екеуі - қыз. Барлығы 14 қараша күні таңғы сағат 8:10-да дүниеге келген.

Мақсат Тұрлыбаев, ҚР Ұлттық статистика бюросы басшысының орынбасары:

Жалпы демография динамикасына келсек, тәуелсіздік алған жылы біз 16,4 миллион адам болдық. Содан бері ел халқының саны 22-ден астам пайызға өсті. Егер өңірлер бойынша халық санының өсуі туралы айтатын болсақ, халықтың ең көп өсуі Шымкент қаласында, Түркістан және Маңғыстау облыстарында байқалды – 22-24%-ға.

Айя Мүтәлі