Президент Армения Премьер-министрімен телефон арқылы сөйлесті

Мемлекет басшысы Армения Премьер-министрі Никол Пашинянмен телефон арқылы сөйлесті. Әңгімелесу барысында Қасым-Жомарт Тоқаев екі ел арасындағы қарым-қатынастың дәйекті дамып келе жатқанын атап өтті.

Өзара байланысты одан әрі нығайтуға Үкімет пен Парламентің ықпалы зор, - деді президент. Сонымен бірге «Ақтау – Ереван – Ақтау» бағыты бойынша әуе рейстерінің іске қосылуын оң бағалады. Соның нәтижесінде бүгін бизнес пен туризм жандана түскен. Тараптар көлік, логистика және сауда салаларындағы қарым-қатынастарды одан әрі арттыру мәселесін талқылады.

Айя Мүтәлі