Қазақстандық ғалымдар қатерлі ісікке қарсы дәрі ойлап тапты

Қазақстандық ғалымдар қатерлі ісікке қарсы дәрі ойлап тапты. Бұл жөнінде Ғылым және жоғары білім министрі Саясат Нұрбек ресми мәлімдеді. «Қазір елімізде ғылымды коммерцияландыру тұрғысында ауқымды шаралар қолға алынған. Оның алғашқы жемісін де, көріп отырмыз», - деді министр.

 Препаратты биотехнолог Дос Сарбасов әзірлеген. Ғалым қатерлі ісік жасушаларының қоректік процесін бұзудың жолын таба алды. «Бұл онкологиялық аурулармен күресудің инновациялық тәсілі», – деді Саясат Нұрбек.

Саясат Нұрбек, ҚР Ғылым және жоғары білім министрі:

Қазіргі таңда 15 кісі емделіп жатыр. Алматының онкология және радиология институтында. Бірінші клиникалық этаптан өткіз біз. Соның нәтижелерін қазір біз жинақтап, пысықтап 1-2 жылдың ішінде нарыққа өзіміздің тұңғыш Қазақстанда шығарылған онкологияға қарсы нақты нәтижелер шығады.

Оңғар Алпысбайұлы