Геннадий Шиповских: Қазақстан ұлтқа бөлінбейді

«Еліміз ұлтқа бөлінбейді». Парламент Сенатының депутаты Геннадий Шиповских «Қазақстанда өзге ұлт өкілдерінің тілі қыспаққа алынып жатыр» деген әңгімеге қатысты пікір білдірді. 130-дан астам ұлт қазақ жерінде тату-тәтті өмір сүріп келеді деген ол, сыртта отырып, тон пішіп жүргендерге еліміздің Конституциясына үңілуді ұсынды. Ата заңда мемлекеттік тіл қазақ тілі, ал орыс тілі ұлтаралық қатынас тілі екенін еске салды. Ол Қазақстанда өзге этнос өкілдерінің дініне, тіліне деген ешқандай қысым жоқ дей келе, бірқатар мысал келтірді.

Геннадий Шиповских, ҚР Парламенті Сенатының депутаты:

Біздің орыс этносының өкілдері түрлі БАҚ, саяси салада да өзінің орнын ойып тұрып алған азаматтар бар. Менің өзім де Мәжілістің екі шақырылымында депутат болып, былтыр қаңтардан бастап президенттің жарлығымен Қазақстан халықтар ассамблеясы атынан сенатор болып тағайындалдым. Оның өзі үлкен көрсеткіш емес пе?!

Нұрсұлтан Тілектес