Азия ойындарына бөлінген қаражат талан-таражға түсті

Азия ойындарына бөлінген қаражат талан-таражға түсті. Қаржылық мониторинг агенттігі Спортты дамыту дирекциясының лауазымды тұлғаларына қатысты сотқа дейінгі тергеп-тексеруді бастады. Олар Ұлттық құрамаға арналған спорттық аяқ киім мен рюкзактарды өте төмен сапада сатып алған деген күдікке іліккен. Ал бағасын үш есе көтермелеп көрсеткен. Әрі Қытайдан жеткізілген тауардың отандық өнім екені туралы жалған құжат ұсынған. Салдарынан мемлекетке 383 млн теңге шығын келді. Еске салайық, Қазақстан құрамасының спортшылары бұған дейін берілген жабдықтардың сапасына шағымданған еді. Дирекция басшысының орынбасары қамауға алынды.

Айя Мүтәлі