«Eolus» қаржы пирамидасының ұйымдастырушысы сотталды

«Eolus» қаржы пирамидасының Астанадағы құрылымдық бөлімшесінің басшысы 6 жылға бас бостандығынан айырылды. Бұл туралы Қаржылық мониторинг агенттігі хабарлады.

Қаржы пирамидасының ұйымдастырушылары былтыр жаңартылатын энергия көздеріне инвестиция салу желеуімен жеке тұлғалардан ақша жинаған. Осы мақсатта кеңсе жалдап, «ENERGY EOLUS QAZAQSTAN» серіктестігін тіркеген. Осылайша 535 адамды сан соқтырды. Тергеп-тексеру жұмыстарынан кейін, сот шешімімен 187 млн теңге көлеміндегі криптовалюта тәркіленді.

Айта кету керек, былтыр аталған қаржы пирамидасының Қазақстандағы 10 бөлімшесінің басшыларына қатысты қылмыстық іс қозғалған еді.

Нұрсұлтан Тілектес