Жұмыстан босатылған мемлекеттік қызметшілерге тағы бір мүмкін беріледі

Енді түрлі себептермен жұмысынан қуылған мемлекеттік қызметшілер және судьялар қайта қызметке тұруға мүмкіндік алады. Мәжіліс депутаттары бірінші оқылымда тиісті заң жобасын қабылдады. Оған сәйкес мемлекеттік қызмет туралы заңның бірнеше бабына өзгерістер енгізілген.

Мәселен, мерзімсіз тыйым салудың орнына мемлекеттік қызметке нұқсан келтіретін тәртіптік теріс қылық жасағаны үшін жұмыстан шығарылған азаматты мемлекеттік қызметке қабылдауға екі жылдық шектеу мерзімі белгіленді. Заңнама және сот-құқықтық реформа комитетінің қорытындысында заң жобасының негізгі мақсаты мемлекеттік қызмет саласындағы заңнаманы конституциялық нормаларға сәйкестендіру екені айтылған.

Нұрсұлтан Тілектес