Елімізде су шайған автожолдар бақылауға алынды

Ел бойынша БҚО, Ақтөбе, Қостанай мен Ақмола өңірінде су тасқыны қаупі сейіліп келеді. Бұған дейін осы өңірлерде құтқару жұмыстары жүргізіліп, адамдар қауіпсіз жерлерге көшірілген болатын.

Айталық, Ақтөбе облысының Қарасай, Айке, Жүргенов ауылдары және Ойыл ауданына қарасты 5 елдімекеніне су кіріп, 297 адам қауіпсіз жерге көшірілді. Оларға 6 тоннадан астам гуманитарлық жүк жеткізілді. Ал, Батыс Қазақстан облысындағы Шаған және Деркөл өзендерінде су деңгейінің көтеріліп, Ұзынкөл су қоймасы бөгетін шаю қаупі төнген соң 2500-ден астам тұрғын қауіпсіз аумаққа көшірілді. Айта кету керек құтқару жұмыстарына 11 мың құтқарушы, 2500 техника мен 9 ұшақ жұмылдырылды.

Нұрсұлтан Тілектес