Мемлекет Басшысы Тәжікстан президентімен телефон арқылы сөйлесті

Мемлекет басшысы Қасым-Жомарт Тоқаев Тәжікстан Президенті Эмомали Рахмонмен телефон арқылы сөйлесті. Тәжікстан Президенті еліміздің бірқатар өңірінде болған су тасқынына байланысты қолдау білдіріп, қажетті көмек көрсетуге дайын екенін мәлімдеді. Президент Қасым-Жомарт Тоқаев тілеулестік танытқаны үшін Эмомали Рахмонға алғыс айтып, тасқынымен күрес жұмыстары толықтай бақылауда екенін айтты. Үкімет апат салдарын жою үшін барлық қажетті шараны қабылдап жатқанын айтты. Сондай-ақ, тараптар екі ел арасындағы стратегиялық серіктестіктің қазіргі жай-күйі мен одан әрі нығайту перспективасын талқылады. 

Асылбек Данияр