Олжас Бектенов Шығыс Қазақстан облысының металлургтеріне Президент атынан марапаттар табыс етті

Олжас Бектенов Шығыс Қазақстан облысының металлургтеріне Президент атынан марапаттар табыс етті. «Құрмет» орденімен «Қазцинк» бас директоры Жанат Жанботин, III дәрежелі «Еңбек даңқы» орденімен – шебер Алексей Мордовин, слесарь-жөндеуші Михаил Мещеряков, «Ерен еңбегі үшін» медалімен – катодшы Айдарбек Жақыпов марапатталды. Тау-кен металлургия кешені қазіргі уақытта 195 мыңға жуық адамды жұмыспен қамтып отыр, бұл – Қазақстанның бүкіл өнеркәсібіндегі жұмысшылар санының шамамен үштен бірі. Қазір өңірде металлургия саласының үлесі 62%-ға жеткен. Өндірістің жалпы көлемінің басым бөлігін өңдеу өнеркәсібі алады.

Қадырбек Абайделдінов, технолог:
1995 жылдан бастап осы комбинатқа келіп содан бері міне осы салада жұмыс істеп жүрміз. 29 жыл болды. Әрине қуаныштымын. Мереке бәрімізге құтты болсын. Алдымен өз әріптестерімді құттықтағым келеді. 

Асылбек Данияр