Батыс Қазақстанда есірткі жасырған мектеп оқушысы сотталды

Батыс Қазақстан облысында жасөспірімдер арасында есірткі қылмысы көбейді. Жыл басталғалы бері 4 күдікті ұсталған. Бұл туралы өңірдегі ішкі істер органдарының өкілдері айтты. Қазір «Орал – есірткісіз қала» пилоттық жобасы жүргізіліп жатыр. Мақсат – есірткісіз дені сау, саналы ұрпақ тәрбиелеу, оларға есірткінің зиянын түсіндіру. Құқық қорғаушылар бұл істе ата-аналар мен мұғалімдердің көмегі маңызды дейді.

Арман Оразалиев, БҚО Полиция департаментінің бастығы:

Былтыр есірткі жасырушылар туралы 3 дерек болатын болса, биыл 4 дерек анықталып отыр. Биыл ұсталғандардың ішінде 10-сынып оқушысы 7,5 жылға бас бостандығынан айырылды. Қалған үшеуінің ісі сотта қаралып жатыр.

Асылбек Данияр