Түркістанда жұмыс істемейтін 132 адамға айлық аударып келген

Түркістанда қағаз жүзінде бар, іс жүзінде жұмыс істемейтін 132 адамға жалақы төленіп келген.

Қаржылық мониторинг агенттігі баспасөз қызметі өкілдерінің хабарлауынша, «Еңбек мобильділігі орталығының» қызметкерлері мемлекетке 130 миллион теңгеден астам залал келтірген. Құзырлы орган халықты жұмыспен қамту саласы бойынша бөлінген бюджет қаражатын талан-таражға салу деректеріне қатысты бірнеше қылмысты әшкерелеген.

Күдіктілер бірқатар кәсіпорын басшыларымен келісіп, жұмыссыз адамдардың жеке деректерін «Еңбек нарығы» автоматтандырылған ақпараттық жүйесіне енгізіп, оларға аударылған айлық жалақыларын өз қалталарына салып отырған.

Асылбек Данияр