11 мыңнан астам адамға арнаулы әлеуметтік төлем тағайындалған

Биылғы 1-қаңтардан бастап Қазақстанда зиянды еңбек жағдайларында ұзақ уақыт жұмыс істеген адамдарға арнаулы әлеуметтік төлем енгізілген болатын. Елімізде 11 мыңнан астам азаматқа арнаулы әлеуметтік төлем тағайындалды. Аталған төлемді алуға жалпы 11 816 адам өтініш білдірген.

Өңірлер бойынша арнаулы әлеуметтік төлемдерді алуға өтініш білдіргендердің ең көп саны Қарағанды, Қостанай және Шығыс Қазақстан облыстарында тіркелген. Бірыңғай Жинақтаушы Зейнетақы Қорының деректері бойынша, зейнеткерлік жасқа дейін төленетін арнаулы әлеуметтік төлемге биыл 37 мыңнан астам жұмыскер үміткер бола алады. Жалпы төлемнің орташа мөлшері 208 мың теңгеден асады. 

Азамат Бейбітұлы