Израиль «Хезболлаға» қарсы операцияны жалғастыратынын ескертті

Израиль «Хезболлаға» бар күшімен соққы беруді жалғастыра береді. Мұны осы елдің премьер-министрі Биньямин Нетаньху Нью-Йоркке сапарында мәлімдеді.

Айта кетсек, Израиль «Хезболланың» Ливандағы позицияларын дүйсенбі күні бомбалай бастады. Содан бері 600-ден астам ливандық қаза тауып, 2 мыңдайы жараланып, 90 мың тұрғын үйлерін тастап кеткен.

Израиль өз аумағына Газада соғыс басталғалы мыңдаған ракета жіберген хезболлалықтарды күйретпей, бұл операцияны тоқтатпайтынын ескертіп отыр.

Айта кетсек, Хезболла былтыр күзде Израильдің шабуылдарынан палестиналықтар қырыла бастағанда еврей мемлекетінің солтүстігіне ракета жібере бастады.

Арыстан Рысбек