Израиль Газа секторындағы Бейт-Лахи қаласында 5-қабатты үйге соққы берді

Израиль әуе күштері Газа секторындағы Бейт-Лахи қаласында 5-қабатты үйге соққы берді. Соңғы мәліметке қарағанда, 34 адам қаза таптқан. Мұны жергілікті азаматтық қорғаныс қызметі хабарлап отыр.

Ал "Франс-пресс" агенттігінің дерегінше, құрбандардың көбі - әйелдер мен балалар. Тағы ондаған тұрғын үйінді астында қалып қойса керек.

Израиль армиясы бұл анклавта "Хамасқа" қарсы соғысты былтыр қазанның 7-де бастады. Содан бері 43700 палестиналық мерт болып, сектордың 2,3 миллион халқының 90 пайызы үйлерін тастап кеткен.

Арыстан Рысбек