Байденнің суб-сахаралық Африкаға сапары басталды

АҚШ президенті Джо Байден биліктен кетуіне бірнеше апта қалғанда алғаш рет суб-сахаралық Африкаға барды. Оған Анголада мыңдаған адам қошемет білдірген. Халықаралық агенттіктердің хабарлауынша, үшкүндік сапардың мақсаты – Құрама Штаттар көмегімен теміржол салу. Ол рельс Анголаны Замбиямен, Конгомен байланыстырмақ. Сонымен қатар Вашингтон электромобиль, электроника және таза энергияға қажетті минералдарға бай «Қара құрлықта» Қытайдың ықпалына қарсы тұруға мүдделі. Айта кетейік, бүгінде Африка тұрғындарының саны 1,4 миллиардқа жетіп қалған. 

Арыстан Рысбек