Оңтүстік Корея билігіндегі партия президенттің өкілеттігін тоқтату туралы ұсынысты қолдады

Оңтүстік Корея билігіндегі партияның жетекшісі президент Юн Сок Ёлдің өкілеттігін тоқтату туралы ұсынысты қолдады. Мұның нәтижесінде мемлекет басшысына қарсы импичмент жүзеге асуы мүмкін. Сонымен қатар Юнның бірнеше күн бұрын осы партияның жетекшісін тұтқындауға бұйрық бергені анықталып отыр.

Айта кетсек, осы аптада Оңтүстік Корея президенті елге коммунистер мен өзге де саяси күштерден қауіп төнді деп әскери жағдай жариялады. Дегенмен оппозициялық депутаттар ол қаулының күшін арада алты сағат өткенде жойды. Енді Парламент Юнды биліктен алыстату үшін оған қарсы импичмент жобасын дауысқа салуды жоспарлап отыр.

Арыстан Рысбек