Алматы тауларында жоғалып кеткен турист 3 күннен соң табылды

Алматы тауларында жоғалып кеткен турист үш күннен соң табылды. 1982 жылғы азамат тауға жорыққа кетіп, артынша хабар-ошарсыз кеткен. Туыстары құтқарушылардан көмек сұрады. Жедел-құтқару жасағының мамандары, іздеу шараларына кинологиялық есептоптар, ұшқышсыз ұшу аппараттарын жұмылдырған. Алғашқы екі күнде 21 орын зерттеліп, ең танымал туристік маршруттардағы шыңдар, шатқалдар мен асулар тексерілген. Үшінші күні ғана тікұшақтың көмегімен 2970 метр биіктікте «Сол Талғар» шатқалындағы күркеден тапты. Турист дін аман, оған медициналық көмек қажет болмаған.

Ернұр Медет