Талдықорғанда автобус жүргізушісі 14 жастағы оқушыны қағып кетті

Талдықорғанда автобус жүргізушісі 14 жастағы мектеп оқушысын қағып, мерт қылды. Оқиға Абай көшесі мен Қабанбай батыр көшесінің қиылысында болған. Жаяу жүргіншілер өткелінен өтпек болған, кәмелетке толмаған жасөспірімді автобус жүргізушісі қағып өткен. Салдарынан жаяу жүргінші оқиға орнында қаза тапты. Қазіргі уақытта автобус жүргізушісіне қатысты қылмыстық іс қозғалып, тергеу амалдары жүргізілуде.

Жанар Калыкова, Жетісу облысы ПД баспасөз хатшысы:

Қазіргі уақытта тергеу амалдары жүргізілуде. Жүргізуші қамауға алынды. Құрметті жол қозғалысына қатысушылар, жол жүру ережелерін қатаң сақтауға шақырамыз. Есіңізде болсын, жолдағы тәртіп, өзіңіздің айналаңыздағылардың денсаулығының кепілі.

Дамир Нұрмұхамед