Қазақстанда ең төменгі жалақы өсуі мүмкін

2026 жылдан бастап Қазақстанда ең төменгі жалақы өсуі мүмкін. Бұл туралы Еңбек және халықты әлеуметтік қорғау министрі Светлана Жақыпова хабарлады. 2024 жылдан бері елімізде ең төменгі жалақыны есептеу кезінде еңбек өнімділігі, нарықтағы медиандық жалақы мөлшері және инфляция деңгейі ескеріледі. Қазір ғалымдар осы көрсеткіштерді зерттеп жатыр. Жаңа жалақының мөлшері соның қорытындысына байланысты бекітіледі.

Айта өтейік, қазір елімізде ең төменгі жалақы 85 мың теңге, бір айлық есептік көрсеткіш 3 932 теңге, ал ең төменгі зейнетақы 62 771 теңге.

Оңғар Алпысбайұлы