Президент CNPC басшысын қабылдады

Мемлекет басшысы Қасым-Жомарт Тоқаев «China National Petroleum Corporation» директорлар кеңесінің төрағасы Дай Хоулянмен кездесті. Президент «CNPC-дің»Қазақстан мұнай-газ саласындағы сенімді стратегиялық серіктестерінің бірі екенін атап өтті.

Кездесу барысында екіжақты ынтымақты тереңдету, көмірсутегін өндіру және өңдеу саласындағы бірлескен жобалар талқыланды. Бүгінде Шымкент мұнай өңдеу зауытын жаңғырту – күн тәртібіндегі өзекті мәселе екенін айтып, жылдық қуаты 12 миллион тоннаға дейін жететін өндірістің ел энергетикасы үшін маңызына тоқталды. Сондай-ақ газ-химия саласын дамыту мен Ақтөбе облысындағы карбамид зауытының құрылысы жөнінде пікір алмасты.

Ернұр Медет