Трамп АҚШ-тың Иранда жеңіске жеткенін жариялады

Иран Американың одақтастарына соққы беріп, шабуылдарды жалғастырып жатса да, АҚШ президенті Дональд Трамп Ислам Республикасына қарсы соғыста елінің жеңіске жеткенін жариялады. Оның сөзінше, Иранның 58 әскери кемесі теңізге батып, қарулы күштері айтарлықтай әлсіреді. Бірақ Трамп істі соңына жеткізу үшін соққыны жалғастыруды қалайтынын да мәлімдеп отыр.

Дональд Трамп, АҚШ президенті:

Біз жеңіске жеттік. Алғашқы сағаттарда-ақ жеңгенбіз. Білесіздер ме, бұл турасында тым ерте айтқым келмеген еді. Дегенмен, мерзімінен ерте кеткен дұрыс емес. Істі аяғына дейін жеткізуіміз керек. Олар қайта бастайды. Біз бұл елге екі жыл сайын оралып отыруды қаламаймыз.