Трамп бүгін Иранмен шұғыл келіссөз басталатынын мәлімдеді

АҚШ президенті Дональд Трамп Тегеранмен арадағы жаңа келіссөз дүйсенбіде басталады деп мәлімдеді. Мұның алдында Ақ үй басшысы Иранға соққы беруді тоқтатты. Трамп АҚШ-тың Таяу Шығыстағы серіктестері сұрағаннан кейін шабуылды доғарғанын мәлімдеді. Бұған қоса АҚШ президенті Ормұз бұғазы бойынша келісім жасалғанын, енді ядролық бағдарлама бойынша уағдаластыққа қол жеткізілетінін айтты. Ал Иран жағы әзірге келіссөзге қатысты ешқандай мәлімдеме жасаған жоқ. Трамптың келіссөз туралы сөзінен кейін мұнай бағасы төмендеді. Оның Brent сұрыбы 4,5%-ға түсіп, 83,98 долларға дейін арзандаған.