Қызметтердің 92%-ы электронды форматқа көшірілді

Бүгінде Еңбек және халықты әлеуметтік қорғау министрлігі ұсынатын 49 мемлекеттік қызметтің 45-ін онлайн алуға болады. Бұл – жалпы қызметтердің 92 пайызы. Азаматтар қажетті қызметтерді электронды үкімет порталы, Enbek.kz еңбек биржасы, eGov Mobile қосымшасы және екінші деңгейлі банктердің мобильді сервистері арқылы рәсімдей алады. Бұл тұрғындардың уақытын үнемдеп, мемлекеттік мекемелерге бару қажеттілігін азайтады. Сонымен қатар, проактивті қызмет көрсету жүйесі де дамып келеді. Оның ерекшелігі – мемлекет азаматқа тиесілі әлеуметтік қолдау туралы өзі хабарлайды. Қазір 28 мемлекеттік қызметті проактивті форматта алу мүмкіндігі бар. Бұл жалпы қызметтердің 57,1 пайызына тең.