Шымкентте дауыс берушілер саны 14 632 адамға артты

Сайлау қарсаңында халықаралық байқаушылар елімізге келіп, науқанға дайындық барысымен танысуды бастады. Алдағы саяси науқанда 710 мыңға жуық шымкенттік өз таңдауын жасайды. Бұл – қала халқының 54,2 пайызы. Өткен сайлаумен салыстырғанда дауыс берушілер саны 14 632 адамға артқан. Партиялардың үгіт-насихат жұмыстарына 57 орын белгіленіп, сайлаушылармен кездесу өткізуге 10 алаң әзірленді. Ал сайлау комиссияларының құрамына саяси партиялар, қоғамдық ұйымдар мен азаматтық қоғам өкілдері енген.

Қайырбек Құнанбаев, қалалық сайлау комиссиясының төрағасы:

Барлық жағдай жасалған. Әр сайлау учаскесінің алдында мүгедектігі бар азаматтарға пандустар, тактильді жолақтар, сонымен бірге бұрыштар бар. Бұл жерде Брайль қарпіндегі трафареттер бар. Арнайы кабинаға барып, дауыс беруге болады.