Қазақстандық шахматшы Алуа Нұрман әлемдік рейтингте үздік үштікке енді

Қазақстандық шахматшы Алуа Нұрман Халықаралық шахмат федерациясының жаңартылған рейтингінде 20 жасқа дейінгі қыздар арасында әлемдік үздік үштікке енді. 19 жастағы спортшы 2442 ұпай жинап, екінші орыннан небәрі 1 ұпайға қалып келеді. Бұған дейін ол 2025 жылғы Азияның блиц чемпионы атанып, Гонконгтағы командалық Әлем чемпионатында блицтен алтын, рапидтен күміс медаль жеңіп алған еді.