Семейде қарағайлы орманның көлемі ұлғаюда

Биыл 4 мың 100 гектар жерге жасыл желек егу жоспарланған. Қазір «Семей орманы» табиғи резерватында 35 орманшылық жұмыс істейді.

Үкімет қолдауымен соңғы жылдары оларда жаңа тұқымбақтар салынып, жұмыс күші көбейді. Қазір шаруашылықтарда қызу науқан жүріп жатыр.

«Семей орманы» мемлекеттік табиғи орман резерватында қарағай көшеттерін дайындайтын 8 тұқымбақ бар. Ең ірілерінің бірі - «Жаңасемей» бөлімшесіне қарасты Глуховка орманшылығы.

Жалпы, «Семей орманы» табиғи орман резерватының аумағына егілген қарағай көлемі жылдан-жылға көбейіп келеді, - дейді мамандар. Биылдың өзінде 4159 гектар аумаққа 20 миллионнан астам жас көшет егілген.

Ержан ЖАҚЫП