Басты Жаңалықтар Бірыңғай коммуналдық кәсіпорын керек

Бірыңғай коммуналдық кәсіпорын керек

04.02.2014 08:30

Коммуналдық шаруашылықтың ой-шұңқырын зерттеп-зерделейтін бірыңғай кәсіпорын қажет. Әйтпесе, жылу мен жарық, су мен телефонға төлейтін тарифтерді түгендеп, нақты нәтиже шығару мүмкін емес.

Мұндай жаңа жүйе туралы ұсынысты бүгін Мәжілістің Әлеуметтiк-мәдени даму комитетiнiң көшпелi отырысында Дариға Назарбаева білдірді. 2011 жылдан бері электр, су, газбен жабдықталуды жаңартуға бағытталған инвестиция көлемі еселеніп жатса да, апаттар азаймай отыр.

Оған елдегі 800-ден астам коммуналдық кәсіпорынның өз бетінше, бір-біріне бағынбай дербес жұмыс істеуі себеп болса керек. Өйткені, қазірде бұл кәсіпорындардың әрбірі техникалық, инвестициялық мiндеттердi өзiнше шешіп жатыр. Сондықтан аталған салада бірыңғай саясат қажет. Сонда ғана коммуналдық шаруашылықта қордаланып қалған мәселелердің күрмеуі шешіледі.

Төлеутай Рақымбеков, Қазақстанның Тұрғын үй-коммуналдық шаруашылығы мен құрылысы Ұлттық палатасының басқарма төрағасы:

Мақсат - тарифті көтеру емес. Модернизация жасау үшін, тұрғын үй коммуналдық шаруашылығының жүйелерін, жабдықтарын жаңарту үшін, жаңғырту жұмыстарын өткізу үшін осындай қадамға барған жөн.

Әсем ИЗАТҚЫЗЫ

Бөлісу