«Balapan» телеарнасы 7 жаста

Баланың бәрін экранға жіпсіз байлайтын бір құдырет бар бүгінде. Оның аты – «Balapan». Иә, кішкентай көрермендерге тек қазақ тілінде хабар тарататын телеарна қазір көп шаңырақтың төрінде сайрап тұр. Талай тентек сол арнамен бірге өсіп, талай дүниені танып-біліп жатыр. Сәйкесінше, бұл арна тәрбиенің тетігіне айналды. Міне, сол «Balapan» дәл бүгін 7 жасқа толды. 2010 жылы Мемлекет басшысының бастамасымен ашылған еді. Содан бері, арнаның аудиториясы өсті, ұжымы кеңейді, бағдарламалар артты, рейтингі өрге тартты. Қысқасы, бұл арна балалардың досы, үлкендердің қолғабысы болды. Ендеше, әріптесім Азамат Бейбітұлы «Balapan»-ның тәй-тәй басқан қадамдарын зерделеп көрсін. 

Азамат БЕЙБІТҰЛЫ