Басты Жаңалықтар Мораторий - кәсіпкерлер үшін тиімді

Мораторий - кәсіпкерлер үшін тиімді

03.03.2014 08:00

Елбасы 2014 жылдың 2 сәуірінен 2015 жылдың 1 қаңтарына дейін Қазақстанда шағын және орта бизнес субъектілерін тексеруге мораторий жариялауын көкшетаулық кәсіпкерлер де зор қуанышпен қарсы алды.

Сондай жандардың бірі - Көкшетау қаласының тұрғыны Айжан Сұлтанғалиқызы. Ол - осы қаладағы шағын мейрамхананың иесі. Бұған дейін жергілікті басқармалардан жөн-жосықсыз тексеріс жиі болатын. Енді міне, бұл мәселеден арылу үшін Елбасының Жарлығы үлкен көмегін тигізбекші.

Айжан Сұлтанғалиқызы, кәсіпкер:

Өз атымнан Елбасына үлкен рахмет айтқым келеді. Оның мораторий жариялауы кәсіпкерлік қызметімізді дамытуға септігін тигізбекші. Бұл - жас мемлекетіміздің дамыған 30 елдің қатарына енуі үшін жасалып отырған игі шара деп білемін.

Ерболат ТӨЛЕГЕНҰЛЫ

Бөлісу