Басты Жаңалықтар Шетпе зауыты елімізді цементпен қамтамасыз етуге қауқарлы

Шетпе зауыты елімізді цементпен қамтамасыз етуге қауқарлы

13.03.2014 08:30

Арнайы экономикалық аймақта біртектес кәсіпорындар болмауы керек. Осы сын Елбасы тарапынан да айтылған болатын. Индустрия және жаңа технологиялар министрінің бірінші орынбасары Альберт Рау Маңғыстаудағы сапарында осы жайтты түсіндірді.

Вице-министр Шетпедегі цемент зауытына барып, құрылысы қарқынды өндірістің тыныс-тіршілігімен танысты. Маңғыстаудың боры, сазы, құмын оған қоса темір рудасын барлығын араластырып 1450 градусқа дейін қыздырады. Оған гипс қосылып, цемент өндіретін зауыттан жылына 800 мың тонна өнім алынады.

Алғашқы өнімді осы жылдың ортасында шығару жоспарланып отыр. Еліміздегі бірегей зауыт болашақта бүкіл Қазақстанды цементпен қамтуға қауқарлы.

Тұрар Тілеуханов, цемент зауытының жұмысшысы:

Зауыттың жергілікті халық үшін де, былайғы жұрт үшін де пайдасы көп болады, деп есептейміз. Болашағы зор зауыт екеніне сенеміз. Елімізді көркейтуге септігін тигізетін зауыт болады.

Жазира ӘБІЛ

Бөлісу