Басты Жаңалықтар Отандық кәсіпкерлерге басымдық берілуі тиіс

Отандық кәсіпкерлерге басымдық берілуі тиіс

17.03.2014 05:30

Алдымен отандық кәсіпкерлерге басымдық берілуі тиіс. Осы қағиданы ұстанған Ұлттық кәсіркерлер палатасы Өскемендегі «Ульба-электро» мекемесінің шаруасын дөңгелетіп әкетуіне ықпал етті.

Мекеме бірнеше жылдан бері насос жабдықтарын жасаумен айналысады. Бірақ, су жабдықтарына сұраныс аз болған. Ал, жергілікті су арнасы мекемелері болса, дәл сол құралдарды шетелден әкеліп орнатады. Бұл өңірлік палата сарапшыларын алаңдатпай қоймады.

Мамандар жергілікті шаруашылық мекемелері мен пәтер иелері қауымдастығы өкілдерімен келіссөздер жүргізіп, жақсы нәтижеге қол жеткізді.

Владимир Рябцев, «Ульба-электро» ЖШС директорының орынбасары:

Отандық өнімдерге басымдық берілуі керек делінгенімен, іс жүзінде ол орындалмайды. Бірнеше рет су арнасы мекемесімен, қала басшыларымен келіссөздер жүргізген едік. Нәтиже болмады. Сосын өңірлік палатаға өзім хат жаздым. Міне, бір аптаның ішінде бізге тапсырыс беріле бастады.

Сәуле АЛДАМҰРАТҚЫЗЫ

Бөлісу