Брюссельде босқындар дағдарысын шешуге арналған саммит жалғасуда

Еуропалық Одаққа мүше 28 елдің басшылары мен Түркия Премьер-министрі ынтымақтастық жөніндегі келісімшартты талқылауда.

Келісімге сәйкес, Эгей теңізі арқылы Грекияға, жалпы Еуропаға заңсыз келген келімсектер Түркияға депортацияланады. Есесіне, сол елдің босқындар лагеріндегі сириялықтар кәрі құрлық елдеріне көшіріледі. Тараптар, заңсыз келгендерді кері қайтару-Түркия жағалауларындағы контрабандалық әрекеттерге тосқауыл болады деген сенімде.

Түркия Премьер-министрі Ахмет Даутоғлы Еуроодақтан қайтарылған босқындарды орналастыру үшін 6 млрд еуро мен Түркия азаматтарына Еуропалық Одақ елдеріне визасыз қатынауға рұқсат етуді талап етіп отыр. Бірақ, ол үшін Түркия Шенген аймағының 72 талабын орындауы тиіс. Ресми Анкара оның тек 35-ін ғана жүзеге асырған.

Нұрсұлу ҚАСЫМ