Рим Папасы алғаш рет Бірікке Араб әмірліктеріне  сапар шекті

Рим Папасының Біріккен Араб Әмірліктеріне тарихи сапары басталды. Франциск Араб түбегіне ресми сапар шегіп отырған алғашқы понтифик. Рим-католик шіркеуінің басшысы мінген ұшақ Біріккен Араб Әмірліктерінің астанасы Әбу-Дабиге қонып, лауазымды мейманды тақ мұрагері Мұхаммед бен Зайд әл-Нахайян қарсы алды. Одан кейін Рим папасы Мысырдың Әл-Азхар мешітінің ұлы имамы және беделді сүннит уағызшысы Шейх ат-Таийбпен кездескен. Бүгін понтифик дінаралық кездесуге қатысады. Бұл елге аттанбас бұрын «Твиттерде» Франциск Әбу-Дабиге сапары арқылы мұсылмандармен диалог орнатуды көздейтінін жазған еді. Сонымен бірге, сейсенбіде понтифик спорттық алаңдардың бірінде дұға оқып, оған 135 мыңдай католик қатысады деп күтіліп отыр.

Арай ТӨЛЕГЕНҚЫЗЫ

«YouTube»-тағы «Qazaqstan TV» арнасына жазылып, AppStore және Google Play сервистерінен «Qazaqstan TV» мобильді қосымшасын тегін жүктеп алыңыз.