Италияда сығандарға қарсы наразылық шеруі өтті

Италия астанасының шығысындағы Торре Маура ауданында 200-ге жуық адам наразылық акциясына шықты. Олар ондаған сыған отбасын панасыздар үйіне орналастыруға қарсы. Аталған орталыққа 60-қа жуық адамды орналастыру жоспарланған. Алайда, халық наразылық білдірген соң, қала билігі бұл райынан бас тартты.

Қазір сығандар басқа орталықтарға орналастырылған. Ал, Рим прокуратурасы тәртіпсіздіктер мен нәсілшілдік бойынша тергеу жүргізіп жатыр. Бұған дейін Италия билігі сығандардың барлық заңсыз қоныстарын таратып, оларды әлеуметтік көмек көрсету орталықтарына жіберу туралы шешім қабылдаған еді. Сонымен қатар, заңсыз жүргендерін елден шығаруды көздеп отыр.

Жансая ҚАПАСҚЫЗЫ