Арменияда Осман империясы кезіндегі армян геноцидіне арналған марш өтті

Мыңдаған адам 1915 жылы қаза тапқандарды еске алып, алау мен шырақ жақты. Ал, кейбір шерушілер Түркияның байрағын өртеп жіберді. Бірқатар тарихшылардың мәліметінше, Бірінші дүниежүзілік соғыс кезінде 1,5 миллиондай армян мерт болған. Армения сол үшін түріктерді айыптап келеді.

Алайда, Түркия өзіне тағылған айыппен келіспей, қаза тапқандардың нақты санына күмән келтіріп отыр. Анкараның ресми мәлімдеуінше, ғасырдан астам уақыт бұрын армяндарды қыру үшін империя аумағында арнайы науқан жүргізілген жоқ.

Жансая ҚАПАСҚЫЗЫ