Украин тіліне арнайы мәртебе берілді

Украина Жоғарғы радасы украин тіліне арнайы мәртебе беру туралы заңды мақұлдады. Енді мемлекеттік тіл өзге тілдердің алдында ерекше құқыққа ие болып, қоғамның барлық салаларында – республика билігінде, жергілікті басқару органдарында, жоғары оқу орындары мен ауруханаларда, мәдени мекемелер мен қызмет көрсету секторында міндетті түрде қолданылуы тиіс. Заңның орындалуын тіл инспекторлары қадағалайды. Киев Халықаралық Социология Институтының зерттеуіне жүгінсек, отбасылардың 32 пайыздан астамы украин тілінде, 16 пайызға жуығы орыс тілінде, 25 пайыздайы осы екі тілде де сөйлейді.

Жансая ҚАПАСҚЫЗЫ