Венесуэла президенті Николас Мадуро елдегі төңкерістерге АҚШ-ты айыптап отыр

Ол Каракаста жиналған жақтастарына шерулер Ақ үйден басқарылғанын айтып, Америка ойлағандай елден безіп, ешқайда қашпайтынын жеткізді.

Айта кетсек, сәуірдің 30-да оппозиция лидері Хуан Гуайдо ел астанасында үкіметке қарсы шеру ұйымдастырып, оның соңы үлкен қақтығыстарға ұласқан еді. Наразылық білдірушілер тәртіпке бағынбаған соң, полиция оларға қарсы көз жасаурататын газ бен суатқыштар қолдануға мәжбүр болды. Салдарынан жүздеген адам жараланған. Сонымен қатар, Гуайдо әскерилерді де өзіне қосылуға шақырды. Дегенмен, олар оппозиция жағына шығудан бас тартып, Мадуроны қолдап отыр.

Жансая ҚАПАСҚЫЗЫ