Мәскеуде әуежайға қонған ұшақ өртеніп, 41 жолаушы қаза тапты

«Аэрофлот» компаниясының әуе кемесі ел астанасынан Мурманскіге бағыт алған. Алайда, көкке көтерілген соң 28 минуттан кейін ақауларға байланысты әуежайға қайтуға мәжбүр болды. Сонымен қатар, ауа райының қолайсыздығынан, ұшақ екінші мүмкіндіктен кейін ғана қонған. Одан шасси тағандары майысып, қозғалтқыштар тұтанды. Өрттен ұшақтың бір бөлігі түгел жанып кетті. Бортта болған 78 адамның 37-і құтқарылып, олардың бесеуі ауруханаға жеткізілген. Қазір тергеу комитеті апат бойынша іс қозғап, мән-жайды анықтап жатыр.

Жансая ҚАПАСҚЫЗЫ