Жаңа Зеландияда 50 мыңдай мұғалім шеруге шықты

Олар жұмыс уақытын қысқартып, жалақыны өсіруді талап етіп жатыр. Сонымен қатар, манифестанттар атқарылатын жұмыс көп деп, ұстаздарға көмекшілер қажет дейді. Бұл – Жаңа  Зеландияда білім саласына қатысты ұйымдастырылған ең ірі наразылық акциясы. Окленд қаласының өзінде оған 10 мың демонстрант қатысқан. Елдің барлық аймақтарында өткен шеру салдарынан 1500-ға жуық оқу ордасында сабақ доғарылды. Ал, оқытушылар кәсіподағы бірнеше ай бойы даулы мәселені үкіметпен талқылаған. Дегенмен, келіссөздер тығырыққа тіреліп,  проблема шешілмегендіктен, ұстаздар жаппай ереуілге шығып отыр.

Жансая ҚАПАСҚЫЗЫ