Грекия ғалымдары мұхитқа түскен пластикті жеп, ыдыратуға қабілетті бактерияларды анықтады

Крит технологиялық университетінде «Идеонелла Сакаенсис» деп аталатын микробқа тәжірибе жүргізілген. Оған елдің екі түрлі жағажайынан табылған полиэтилен пакет пен азық-түлік қаптамасын дайындауға қажетті полистирол қолданылды. Бұл заттар екі құтыға салынып, оларға  аталған бактерия қосылған.  Ал, 5 айдан соң, мамандар полиэтиленнің салмағы 7 пайызға, ал полистирол 11 пайызға азайғанын байқады. Бұл – суды пластикпен ластанудан қорғауда таптырмас мүмкіндік дейді ғалымдар. Айта кетсек, жыл сайын дүниежүзілік мұхиттарға 8 миллион тонна пластик қоқыс төгіледі. Бұл су астында тіршілік ететін миллиондаған түрге қауіп төндіріп тұр.

Жансая ҚАПАСҚЫЗЫ