Ақтөбеде үш ауысымды мектептер мәселесі толығымен шешіледі

Жаңа ғимараттың құрылысына республикалық бюджеттен 785 миллион теңге бөлінген. Өңірде үш ауысымда білім беретін мектептердің мәселесі 2016 жылы толығымен шешілмекші.

Жаңа мектеп халық тығыз қоныстанған 12-ші шағын ауданда орналасқан. Аумағы 9 200 шаршы метр болатын нысан қажетті құрал-жабдықтармен қамтылған. Білім мекемесіне бұрын үш ауысымда білім беріп келген №51 гимназия мен номері №43 негізгі мектептің оқушылары ауыстырылды. Қазірдің өзінде 1 100 балаға білім беруде.

Өңірде соңғы 2 жылда 3400 орынға арналған 18 заманауи мектеп іске қосылды. Олардың 14-і апатты және үш ауысымды білім мекемелерін жою мақсатында салынған. Қазіргі таңда  Ақтөбеде үш ауысымда білім беретін үш мектеп бар.  

Жақсыбек КЕМАЛ