А.Сызғанов атындағы Ұлттық хирургия ғылыми орталығында екі баланың бауырына трансплантация жасалды

Орталықта бұған дейін тек ересектердің бауыры ауыстырылып келген. Сондықтан, олар Үндістаннан тәжірибелі профессор Субаш Гуптаны арнайы шақырған. Мамандардың айтуынша, елімізде жылына 350 мың бала дүние есігін ашады. Соның 15-20-сы бауыр дертімен туады.

Оларға трансплантация жасалмаса 8-10 айдың ішінде жарық дүниемен қоштасады. Осы себепті «Денсаулық» мемлекеттік бағдарламасын жүзеге асыру үшін балалардың бауырын ауыстыру жолға қойылған.

Нұрлан АСҚАРҰЛЫ