Барселонада шерушілер теміржол вокзалын қоршап алды

Барселонада тәуелсіздік жақтастары жергілікті теміржол вокзалын қоршап алды. Олардың билікке қойған негізгі талабы – Каталонияның Испаниядан бөлінуі үшін күрескен сепаратистік лидерлерді түрмеден босату.

Шерушілер жолаушылардың станцияға кіріп-шығуына кедергі жасауға әрекеттенді. Алайда полицейлер оларды бекетке тым жақындатпаған. 

Барселонада Испания үкіметіне қарсы ауқымды демонстрациялар қазанның 14-інде басталды. Наразылық акцияларының күшеюіне Каталонияның 9 сепаратист жетекшісінің 2017 жылы тәуелсіздік референдумын ұйымдастырды деген айыппен 13 жылға дейін бас бостандығынан айрылуы себепші.

Арыстан Рысбек