Польшада өрттен 4 адам қаза тапты

Польшаның Ходжнице қаласындағы хоспис өртеніп, 4 адам қаза тапты. Олардың үшеуі оқиға орнында, біреуі госпитальге апара жатқанда жан тәсілім еткен. Тағы 20-дан астамы жараланды.

Өрт бүгін таңертең болды. Алдын-ала мәліметке қарағанда, оттың тұтануына науқастардың бірінің бөлмеде темекі тартуы себепші. Қазір тергеу жүріп жатыр.

Жергілікті биліктің мәлімдеуінше, ғимаратқа орасан зиян келді. Сондықтан бұл хоспис жұмысын тоқтатып, уақытша жабылып отыр.

Арыстан РЫСБЕК