Тегін берілетін дәрі-дәрмектер түрі артты

Міндетті әлеуметтік медициналық сақтандырудың енгізілуіне байланысты тегін берілетін дәрі-дәрмектер түрі артты. Бұл туралы елімізді дәрілік заттармен және медициналық бұйымдармен қамтамасыз етуге жауапты «СК-Фармация» компаниясының өкілдері айтты.

Олардың сөзінше, бірыңғай дестрибьютордың тізіміне биыл қосымша 225 дәрі қосылған. Компания 2020 жылға арнап 232 миллиард теңгеге дәрі сатып алған. Олардың қатарында он елден әкелінген медициналық өнімдер бар. Ал сатып алынған дәрі-дәрмектің 30 пайызы Қазақстанда жасалған. Бұл отандық медициналық тауар өндірушілерге қолдау бар екенін, сондай-ақ, сенім артқанын көрсететіндігін айтады. Өйткені он жыл бұрын отандық үлестің деңгейі бар-жоғы 5 пайыз болатын.

Аманкелді СЕЙІТХАН