Дезинфекцияға қажетті өнім шығаратын кәсіпорын өндіріс көлемін арттырды

Павлодардағы дезинфекциялық өнімдер шығаратын кәсіпорын өндіріс қуаттылығын 2 жарым есеге ұлғайтты. Сұйық препараттармен қатар түйіршектелген құрғақ өнім өндіретін жаңа желі іске қосылды. Ауру қоздырғыш бактерияларды жоюға арналған бір түйір дәрі 150 шаршы метр аумақты залалсыздандыра алады. Бұған дейін аталған препарат сұйық күйінде медициналық мекемелерге ғана арналып шығарылатын. Енді мектептер мен балабақшалар, көлік саласы және тамақ өндірісіндегі кәсіпорындар мен косметикалық салондар тегіс алып жатыр. Жалпы, шығарылатын тауар түрі 30-ға жуық. Өндіріске қажетті шикізат әзірге шетелден әкелінеді. Сондықтан кәсіпорын отандық ғалымдармен бірлесіп импорт алмастыру бағытында жұмыс істеп жатыр.

Болат АМАНБАЕВ