Коронавирустан әлемде 30 мыңнан астам адам көз жұмды

Мынадай фактілер – 2 млн жылдық эволюцияда біздің иммун жүйеміз көптеген белгілі инфекциялармен күресуді үйренген, бірақ жаңа коронавирусқа бейнелеп айтқанда сасқалақтап қалды. Әлі келмей жатқаны содан.

Оңтүстік Кореяда ауырғандар саны 30-ға жетпей тұрғанда вирусты ұстап тұра алған. Бірақ бір діндәр әйел жөтеліп тұрғанына, ыстығы көтеріліп тұрғанына қарамай, үйде отырыңыздар деген пәрменге пысқырмай, шіркеуге бара берген, сөйтіп бірден 1200 адамға жұқтырған. Тиісінше, кетті, желдей есіп...

Пандемияның таралу жылдамдығы: диагноз бірінші рет қойылғаннан кейін 100 мыңыншы науқасқа дейін 67 күн өтті, екінші 100 мың науқас 11 күнде, үшінші 100 мың науқас 4-ақ күнде ауырған.

Ақерке БЕКТАС